D’Crèche «Le Jardin d’Eveil – Garden of Awakening” besteht aus engem Team vun Fachleit fir Fréiherzeihung.

De Liewenskader den mir bidden zeechent sech duerch eis beruflech an perséinlech Erfahrungen aus, esou wéi duerch eist opmierksaamt Nolauschteren an d’Agoen op d‘Bedierfnisser vun de Kanner, mee och vun hiren Familjen.

Den „Le Jardin d’Eveil – Garden of Awakening” ass dreisproocheg: franséisch, lëtzebuergesch an englesch.

An der Regioun ginn vill verschidden Friemsproochen geschwaat.

Mir haalen drop mat de Kanner drei Sproochen ze schwätzen, fir dass si schon fréi en Gehéier fir déi verschidden Sproochen kënnen entwéckelen.

Et ass wichteg, dass si sech an engem Kader entwéckelen kënnen den hirem sproochlechen Ëmfeld an dem si opwuessen gleicht. D’Ubidden vun engem dreisproochechen Ëmfeld fir Kanner, entsprecht den Ufuerderungen vun der Gesellschaft an och den Bedierfnissen vun den Kanner fir mat jidderengem kënnen ze kommunizéieren.

Mir hun eis un den Studien vum Maria Montessori an vum  Emmi Pikler inspiréiert fir eng strukturéiert Educatioun ze garantéieren.

Mir akzeptéieren och „chèques services“.